Búginde qazaqstandyq jeńil avto kólik tútynýshylary arasynda "memlekettik nómirlerdi" jappaı satyp alý naýqany bastalǵan.
Al resmı derek kózderinde ondaı nómerlerdiń quny standartty nómerlermen salystyrǵanda QR zańynda kórsetilgen "jol júrý erejesindegi" reglamentten 10 ese qymbatqa baǵalanady.
Jeńil avto kólikterge arnalǵan "birińǵaı sandyq rettegi" 100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 nómirler MRP mólsherine saı - 13 700 AQSH dollaryna baǵalanady. Al 2015 jylǵa bekitilgen reglamentte 1 MRP - 1982 teńgege jetken. Iaǵnı, 13 700 % teńge baǵamyna shaqqanda - 271 534 teńge. Sondaı-aq, "erekesh sandyq rettegi" 001, 002, 003, 004, 005, 006, 007, 008, 009, 777 nómirlerdiń baǵasy - 22 800 % quraıdy. Bul teńgemen eseptegende 451 896 teńgeniń tóńireginde bolady.
Sonymen qatar, uıqas áriptik jáne sandyq rettegi mysaly, 101, 696 nemese ZZZ, KAZ ıa bolmasa HAN sekildi nómirlerdiń de baǵasy aspandap tur. Al sheneýnikter bolsa, memlekettik lısenzıasy bar osyndaı sırek kezdesetin nómirler jeke satylymda joq deýden tanbaýda. Tıisti organdaǵylar óz kezeginde "nómirler jalpyǵa birdeı beriledi jáne kimge qandaı nómir tıesili bolady ony - kompúter anyqtaıdy" deıdi.
Dese de, "Kaznettiń" betinde atalmysh serıaly nómerlerdi jeke satylymǵa usynatyn habarlandyrýlar Qazaqstannyń barlyq aımaqtarynda kezdesedi. Ol jerde serıaly nómirlerdiń eń tómengi baǵasy 3000 dollar bolsa, teńgege shaqqanda 560 myń kóleminde bolady. Al ZZZ, PPP, NNN sekildi nómirler sál qymbatyraq eken. Joǵarydaǵy kórsetilgen serıaly nómirlerdiń quny - 1 mıllıonnyń ar jaq - ber jaǵynda.
